Kurti: Iku qeveria e borxhlinjve, po vjen qeveria e zhvillimit

Lideri i Vetëvendosjes ka thënë edhe se Bruto Produkti Vendor për kokë banori nuk është as 300 euro

Kryetari i Lëvizjes Vetëvendosje, Albin Kurti, me anë të një shkrimi në Facebook ka uruar qytetarët për shpërndarjen e Kuvendit.

“Shkoi qeveria e borxhlinjve, po vjen qeveria e zhvillimit”, ka shkruar Kurti.

Ai ka thënë se kjo qeveri ishte krijuar me një shumicë minimale prej 61 deputetëve, dhe se kështu arriti të mbahej mezi në këmbë.

“Në njërën anë, kjo ishte qeveria më e madhe e pasluftës, me 5 zëvendëskryeministra, 21 ministra e 80 zëvendësministra, kurse, në anën tjetër, kryeministri kishte dyfish më shumë parti në koalicionin qeverisës sesa deputetë të partisë së tij në Kuvend. Kjo nuk ishte as e drejtë dhe as e shëndetshme, prandaj nuk patëm as shtetndërtim demokratik dhe as zhvillim ekonomik. Dy vjet më vonë, shteti i Kosovës është edhe më i kapur edhe më i lodhur”, ka shkruar ai. Ndërsa, sipas tij, gjithë buxheti për drejtësinë në Kosovë është diçka mbi 50 milionë euro, përcjell Albinfo.ch.

 

 

---