Kurti e Vuçiq pritet të mënshkruajnë deklaratë për të pagjeturit

Nënshkrimi i kësaj deklarate pritet të jetë në rendin e ditës në Bruksel dhe konsiderohet si hap i madh në marrëdhëniet mes dyja palëve.

Më 18 gusht në Bruksel pritet të mbahet takimi ndërmjet kryeministrit të Kosovës, Albin Kurti dhe presidenti i Serbisë Aleksandar Vuçiq, me ndërmjetësimin e Bashkimit Evropian.

Siç raportojnë mediat serbe, më këtë takim pritet të nënshkruhet një deklaratë e përbashkët për zgjidhjen e çështjes së personave të pagjetur, përcjell Albinfo.ch.

Nënshkrimi i kësaj deklarate pritet të jetë në rendin e ditës në Bruksel dhe konsiderohet si hap i madh në marrëdhëniet mes dyja palëve.

Ndërkaq kryetari i Komisionit të Qeverisë së Serbisë për Personat e Zhdukurm Veljko Odaloviq, tha se nënshkrimi i kësaj deklarate ishte diskutuar edhe në raundet e mëparshme.

Odaloviq theksoi se teksti në masë të madhe ishte dakorduar por se ka pasur kërkesë edhe nga Prishtina.

Agjenda ende nuk dihet për publikun, derisa pala serbe pret që në Bruksel të diskutohet për targat e veturave dhe dokumentet e identifikimit, çështje kjo e kryer për Prishtinën./Albinfo.ch/

---