Kurti e nxjerr për votim ligjin e ri për zgjedhjet

@KUVENDI I KOSOVES

Iniciativa e Lëvizjes Vetëvendosje për ndryshimin e Ligjit për zgjedhje pikërisht në ditën kur pritet të votohet për zgjedhjen e presidentit, po shihet si presion ndaj partive të tjera se vendi do të shkojë në zgjedhje të reja nëse Vjosa Osmani nuk zgjidhet presidente.

Sot gjatë ditës pritet që të votohet për presidentin e ri të Kosovës, pasi që kanë mbetur tashmë edhe tri ditë kur përfundon afati për votimin e një personi në karrigen më të rëndësishme të shtetit.

Vetëvendosje që ka mbledhur tashmë nënshkrimet e 40 deputetëve për seancë të re, pritet që para se të thirret, e njëjta të votojë edhe për ndryshimin e ligjit për zgjedhje, merr vesh Gazeta Express.

Njëri nga premtimet kryesore të dyshes fituese të zgjedhjeve të 14 shkurtit ishte ai për ndryshimin e ligjit për zgjedhje.

Vetëvendosje e ka inicuar një projektligj për amendamentimin e Ligjit për zgjedhjet e përgjithshme.

Kryesia e Kuvendit ende nuk ka vendosur për një seancë të re, e deri më tani ende nuk është saktësuar ora e saktë kur do të thirret.

Një seancë e Kuvendit është mbajtur sot me fillim nga ora 10:00, ku është bërë betimi i deputetëve të rinj, e ka pasur edhe debat në mes të pozitës dhe opozitës.

“Projektligji për ndryshimin dhe plotësimin e Ligjit për zgjedhje në lidhje me votimin e mërgatës sonë në ambasada dhe konsullata”, kishte qenë një nga premtimet kryesore të LVV-së dhe Listës “GUXO”