Kurdisja e ndeshjeve, skandal në futbollin evropian

Deri më tani janë identifikuar rreth 425 gjyqtarë të korruptuar, zyrtarë,lojtarë dhe kriminelë nga 15 vende të ndryshme

Policia evropiane “Europol” pretendon se ka zbuluar skandalin e basteve më mëdha në historinë e futbollit në botë. Bëhet fjalë për 380 kurdisje  të ndeshjeve të futbollit. Zvicra është prekur përsëri.

“Europol” ka publikuar skandalin në një konferencë për gazetar në Hagë.

Sipas “Europol”, liga zvicerane është prekur nga manipulimet. Në këtë kontekst janë përmendur kampionatet gjermane dhe turke, por pa precizuar se për cilën pjesë bëhet fjalë. Të gjitha ndeshjet e dyshuara janë mbajtur në mes të 2008 dhe 2011.

“Është e qartë për ne se kjo është ngjarja më e madhe e të gjitha kohërave “, tha drejtori i “Europolit”, Rob Wainwright. “Kjo është një ditë e dhimbshme për futbollin.”, tha Wainwright.

Në hetime e bëra në Evropë, “Europol” thotë se nga manipulimet janë prekur ndeshjet eliminatore të botërorit dhe  dy ndeshjet e “Champions League”,  një prej tyre në 3-4 vitet e fundit në Britaninë e Madhe,  dhe  ndeshjet e niveli të lartë në ligat evropiane.

Deri më tani janë identifikuar rreth 425 gjyqtarët , zyrtarë, lojtarë dhe kriminelë të korruptuar nga 15 vende të ndryshme.

Wainwright tha se në bazë të hetimit janë zbuluar 8 milion euro fitime në baste dhe 2 milion euro shpenzime për t’ju dhënë mito (ryshfete) lojtarëve dhe zyrtarëve