Kumbulla drejt Interit këtë afat

Afër akordit, Kumbulla së shpejti në Inter

Është bërë e ditur se Inter ka siguruar shërbimet e mbrojtësit shqiptar të Veronës, Marash Kumbulla, pasi Napoli po përqendrohet në transferimin e Sofyan Amrabat në atë pozicion, transmeton albinfo.ch.

Interi provon “sprintin” për Marash Kumbullën. Qendërmbrojtësi shqiptar me vitlindje 2000, u pëlqen shumë zikaltërve që e kanë vëzhguar në shumë raste gjatë këtij viti, duke e promovuar me vota të plota.

Në janar është programuar një takim i ri me Veronën, që niset nga një vlerësim prej 20 milionë eurosh.

Në horizont qëndron edhe konkurrenca e Juventusit, Lacios dhe Atalantës, ndërsa në sfond kanë nisur të studiojnë terrenin edhe klube angleze (mes të cilëve Mançester Junajtid) e franceze.

Thuhet se Napoli ishte interesuar për Kumbullan dhe ishte në negociata me Veronën.

Gazetari i Sky Sport Italia, Di Marzio thotë se Interi tani është “në pole position” për transferimin e tij në sezonin e ardhshëm.

Nëse arrihet një marrëveshje për të riun shqiptar, atëherë lojtari i Interit, Federico Dimarco pritet t’i bashkohet Hellas Veronas këtë muaj.

Dimarco është i tepërt në San Siro, pasi ka luajtur vetëm 19 minuta në Serie A deri më tani në edicionin 2019-20. /Albinfo.ch.

---