Ku jetohet më mirë në botë?

Portugalia dhe Spanja, në krye të listës

Portugalia edhe zyrtarisht mbetet një nga vendet më miqësore, më të sigurta dhe me një kosto të ulët jetese në Evropë. Kostoja e të jetuarit në Lisbonë, për shembull, është 2,200 USD në muaj për dy persona, transmeton albinfo.ch.

Nga ana tjetër, Spanja është gjithashtu një vend me një jetesë të përballueshme, sipas revistës Forbes. Jetesa në Madrid kushton 2,000 USD në muaj për një çift.

Çdo person që dëshiron të emigrojë në një shtet tjetër, një nga aspektet më të rëndësishme që duhet marrë parasysh përpara marrjes së një vendimi të tillë madhor është zbulimi i kostove të jetesës në vendin tjetër, transmeton tutje albinfo.ch.

Nga ana tjetër, si shtetet me jetesën më të shtrenjtë në gjithë botën vazhdon të jetë Zvicra, Norvegjia, Islanda, Danimarka, Luksemburgu, Irlanda, Franca, Hollanda dhe Belgjika.

Pastaj, lista vazhdon me shtetet si: Austria, Finlanda, Suedia, Malta, Italia dhe Gjermania.

Në përpilimin e këtyre të dhënave, ekspertët e revistës Forbes analizuan çmimet e konsumit, koston e të jetuarit, kostot e transportit, veshmbathjes, strehimit, ushqyerjes dhe shërbimeve bazë të nevojshme.

---