Kryetari i FDP-së, shkaktar i aksidentit me një të lënduar rëndë

Në një aksident automobilistik që ka ndodhur mbrëmë në Lenzburg të Kantonit Aargau ka pësuar lëndime të rënda një ngarëse 17 vjeçare e motoçikletës. Siç bën të ditur policia e Kantonit, shkaktar i aksidentit ka qenë kryetari i Partisë liberale të Zvicrës (FDP) Philipp Müller i cili me makinën e tij, për shkaqe të panjohura ka ngarë në drejtimin e kundërt të rrugës automobilistike, shkruan nzz.ch.

Personat që kanë qëlluar në afërsi i kanë ofruar ndihmë vajzës së aksidentuar derisa ka ardhur helikopteri që e ka transportuar viktimën në spital.

Kryetari i FDP-së, Müller me këtë rast nuk ka pësuar asnjë lëndim. Ai është detruar ta dorëzojë patentshoferin ndërsa prokuroria ka nisur hetimet mbi rastin.