Kosova

Kryeministri Kurti pjesë e panelit ndërkombëtar në Davos 2026

E martë, 6 Janar 2026 - 20:45 albinfo.ch

Foto Fiona Murtaj

Kryeministri në detyrë i Republikës së Kosovës, Albin Kurti, do t’i bashkohet “House of Kosova” në Davos 2026, ku do të marrë pjesë në një panel diskutimi mbi Demokracinë, Sigurinë dhe Qeverisjen në një Epokë të Re.

Në një kohë kur sistemet globale janë në transformim të vazhdueshëm, ky diskutim do të fokusohet në rolin e lidershipit demokratik, sigurisë dhe qeverisjes efektive përballë sfidave bashkëkohore gjeopolitike dhe teknologjike.

Paneli do të mbledhë liderë dhe ekspertë ndërkombëtarë për të diskutuar mënyrat se si demokracitë mund të forcohen dhe të përshtaten në një mjedis global gjithnjë e më kompleks.

House of Kosova, Davos

20 janar | 17:00–18:00

Ky aktivitet pritet të jetë një platformë e rëndësishme për prezantimin e vizionit të Kosovës në skenën ndërkombëtare.