Kosova
Kryeministri i Kosovës, ka bërë homazhe në Rakovec të Kaçanikut
Sot, kryeministri i Kosovës, Albin Kurti ka bërë homazhe në Rakovec të Kaçanikut, ku ka kujtuar të vrarët nga forcat serbe, përcjell albinfo.ch.
Në një postim në Facebook, Kurti ka thënë mëngjesin e 9 prillit të 1999, Kaçaniku ishte zgjuar i rrethuar nga forca të mëdha të ushtrisë dhe policisë së Serbisë, që sulmonin popullatën civile, duke granatuar nga të gjitha anët.
“Nebih Livoreka i kishte 105 vjet kur e vranë në Rakovec të Kaçanikut. Ai ishte në mesin e 32 civilëve që u vranë atë ditë. Në betejë me forcat armike të Serbisë që kishin sulmuar popullsinë shqiptare ranë heroikisht 28 dëshmorë të UÇK-së. Sot u mbushën 25 vjet”, ka shkruar Kurti.
Kryeministri ka theksuar se në mbrojtje të tyre dolën ushtarët e Ushtrisë Çlirimtare të Kosovës, duke u përballur me forcat e armatosura serbe.
“Në Betejën e Rakocit dhe Betejën e Lagjes së Re, u zhvilluan luftime të ashpra. Në mbrojtje të popullatës civile ranë 28 dëshmorë. Në mesin e tyre edhe katër gra dëshmore: Emsale Frangu, Jehona Raka, Lumnije Raka dhe Mukadeze Lika-Muhaxheri. Sikurse që doli në ballë të luftimeve në prill 1999, ashtu në maj 1998 Mukadezja ishte në ballë të protestave kundër dhunës serbe në Kaçanik”, ka shkruar Kurti.
Kurti ka shtuar se sot ishin në Kaçanik për të nderuar kujtimin e burrave e grave që lanë pas trashëgimi të pashembullt të guximit, qëndresës dhe dashurisë për atdheun.
“Në këtë datë, nderojmë 28 dëshmorë dhe 32 viktima civile, martirë të vrarë në Rakoc dhe Lagje të Re. Me përkushtimin për ta ruajtur trashëgiminë e luftës çlirimtare, duke nderuar sakrificat e popullit të Kosovës për liri, punojmë me vendosmëri për një Kosovë të paqes, të drejtësisë dhe përparimit. Lavdi të gjithë dëshmorëve dhe martirëve të kombit tonë!”, tha Kurti.
Të tjera nga Kosova
E-Diaspora
-
Marigona Qerkezi do të performoj në Gjermani, Itali, Belgjikë, Finlandë dhe në Emiratet e Bashkuara Arabe Soprano shqiptare, me famë ndërkombëtare, Marigona Qerkezi ka njoftuar se do të performoj në pesë shtete...
-
A do të marrë një shesh në Lugano emrin e aktorit shqiptar, Aleksandër Moisiu
-
Dita e tretë e gjykimit: I akuzuari refuzon cilësimin e veprës si “vrasje e rëndë”
-
“Kolektivi Feminist Shqiptar” ngre shqetësimin për vrasjet e grave shqiptare, në Grevën e Gruas, në Zvicër
-
Gratë afariste nga Kosova, mirëpriten në Ambasadën e Vjenës
Jeta në Austri
-
Austria shpall datën e zgjedhjeve kombëtare, e djathta ekstreme përpara në sondazhe Austria do të mbajë zgjedhje parlamentare më 29 shtator, njoftoi kancelari konservator Karl Nehamer, me partinë...
-
Si të kaloni një pasdite vere në Austri si një vendas?
-
Gratë afariste nga Kosova, mirëpriten në Ambasadën e Vjenës
-
Përmbledhje e lajmeve më të fundit në Austri, për sot
-
Çfarë do të thotë për të huajt fitorja e ekstremit të djathtë të Austrisë në zgjedhjet e BE-së?