Krokodili i Lacoste-s “bëhet zviceran”

Kompania zvicerane Maus-Frères-Gruppe e merr shumicën e aksioneve në ndërmarrjen franceze të modës Lacoste. Nga 30 për qind sa kishte, Maus-Frères tash ka 65 për qind të aksioneve të firmës së njohur që ka krokodilin si shenjë identifikimi.

Qindra milionë franga i ka kushtuar firmës zvicerane ky “pazar”, por shifra të sakta nuk janë dhënë.

Kompanisë Maus-Frèere i takojnë veç tjerash shtëpitë e mallrave Manor dhe marketet Jumbo.

Ndërmarrja e modës Lacoste, e njohur për figurën e krokodilit , deeri më tash është kontrolluar nga familja lacoste. Vlera e përgjithshme e firmës llogaritet në rreth 1.25 miliard euro.