Kroacia, treg i kërkuar për punëtorët nga Maqedonia e Veriut

Kroacia po bëhet një vend gjithnjë e më tërheqës për maqedonasit që kërkojnë punë sezonale, ndërsa vendi që së fundmi iu bashkua zonës Shengen, po përballet me mungesë të fuqisë punëtore.

Megjithatë, rritja e punëtorëve sezonalë nga Maqedonia e Veriut po ndikon në ekonominë e vendit ballkanik, siç tha Bojan Blazhevski nga Agjencia e Lajmeve Meta.

Blazhevski thotë se arsyeja kryesore pse punëtorët maqedonas shkojnë në Kroaci janë pagat e ulëta në vendin e tyre, pasi punëdhënësit kroatë u paguajnë atyre një pagë me vlerë pothuajse sa gjysmë viti ose më shumë, gjatë një periudhe tremujore.

“Kroacia këtë vit është një vend shumë i parapëlqyer për punë verore. Për punët e verës shkojnë njerëz me profesione dhe prejardhje të ndryshme. Unë madje njoh njerëz që marrin pushime pa pagesë për të punuar gjatë verës në Kroaci”, tha Blazhevski për SchengenVisaInfo.com.

Ai gjithashtu thekson se për punëtorët maqedonas ia vlen të punosh tre muaj në vende si Kroacia, Greqia, Spanja dhe Malta.

Pavarësisht dërgesave të emigrantëve dhe përfitimeve që sjell puna sezonale në vend, ajo rrezikon tregun e punës, si dhe nxit ndryshimet demografike, pasi më shumë njerëz që kërkojnë të kenë një jetë më të mirë, emigrojnë në vendet europiane.

Dukuria e largimit të punëtorëve të kualifikuar nga vendi, e njohur si “largimi i trurit”, kërcënon ekonominë e vendit dhe Blazhevski thotë se edhe më shqetësues është fakti se punëtorë të tillë shpesh largohen përgjithmonë nga Maqedonia e Veriut.