Kroaci, votohet për parlamentin e ri

Ermina Lekaj-Perlaskaj është kandidatja serioze për të qenë shqiptarja e parë në Parlamentin kroat

Votuesit kroatë ia kanë mësyrë kutive të votimit për zgjedhjet e sotme parlamentare në vend. Sondazhet zgjedhore sugjerojnë që blloku opozitar, i udhëhequr nga social-demokrati Zoran Millanoviq, ka gjasa të fitojë.

Fituesi i këtyre zgjedhjeve duket se do të kryesojë Kroacinë në Bashkimin Europian për t’iu bashkuar bllokut prej 28 anëtarësh në korrik të viti 2013.

Ndërkohë kandidatja shqiptare Ermina Lekaj-Perlaskaj nga Unioni i Bashkësisë së Shqiptarëve në Republikën e Kroacisë, konkurron për pozitën e rezervuar në listën e pakicave shqiptare, boshnjake, sllovene, maqedonase dhe malazeze, të cilën pozitë deri tani e kanë fituar vetëm boshnjakët.

Kroacia, destinacion i njohur turistik në Evropë, me 4.3 milionë banorë, ka përjetuar shpërthimin e vet ekonomik gjatë dekadës së kaluar, por se kjo rritje u ndalua gjatë krizës globale të vitit 2009.

Në muajin tetor, shifrat e papunësisë në Kroaci arritën në 17.4 %, përderisa  mijëra të punësuar punojnë pa paga