Kritika për Zvicrën për konfiskimin e parave nga azilkërkuesit

Zvicra është duke u përballur me kritika për një ligj që lejon zyrtarët të marrin gjërat e vlefshme nga azilkërkuesit pas hyrjes së tyre në vend për të mbuluar shpenzimet e azilit.

Agjencia e OKB-së për refugjatët (UNCHR), me seli në Gjenevë, Zvicër, ka paralajmëruar për rreziqet e Danimarkës në zbatimin e një ligjii të tillë të ngjashëm të emigracionit, përcjell albinfo.ch.

Ligj në fjalë do të lejojë zyrtarët të marrin bizhuteritë dhe gjërat e tjera me vlerë nga refugjatët që vijnë në vend.
Organizata e refugjatëve kishte thënë se Ligji i Danimarkës do të dërgonte një sinjal shqetësues, derisa miliona refugjatë sirianë vazhdojnë të kërkojnë strehim në Evropë.

Ligji zviceran lejon zyrtarët për të marrë të holla ose gjëra me vlerë mbi 1000 franga.

Më shumë se 112 refugjatë ishin prekur nga ky rregull në vitin 2015, me rreth 210 mijë franga të konfiskuara.

Ligji zviceran vetëm ndikon në gjërat e vlefshme që refugjatët i deklarojnë, ndryshe nga propozimi i Danimarkës, i cili lejon zyrtarët për t’i kontrolluar refugjatët.

Refugjatët mund t’i marrin gjërat e tyre prapa vetëm nëse bëjnë një kërkesë dhe e lënë vendin brenda shtatë muajve.