Krijohet bursa për studentë, me emërtimin “Bukurije Gjonbalaj”

Bursa prej rreth 35 mijë frangash zvicerane do të jepet për program njëvjeçar në Gjenevë

Shkolla e Gjenevës për Diplomaci dhe Marrëdhënie Ndërkombëtare ka krijuar një programi të ri burse për studentët në nivelin Master.

Kjo bursë është emërtuar “Bukurije Gjonbalaj”, në nderim të zonjës me këtë emër, si ish studente dhe ligjëruese e dalluar, e cila është udhëheqëse për marrëdhënie ndërkombëtare në RTK.

Bursa prej rreth 35 mijë frangash zvicerane do të jepet për program njëvjeçar në Gjenevë. Në vitin e parë, bursa do t`i ndahet një studenti nga Kosova, ndërsa më pas një studenti kroat, një boshnjaku dhe një serbi, raporton RTK.

Sipas Bukurje Gjonbalajt, konkursi për këtë bursë do hapet në qershor, ku studenti që do ta fitojë bursën, do përzgjidhet me një vendim të verbër. Pra, konkurrentët nuk do të njihen me emra, por me kode identifikuese.

Gjonbalaj tash është nominuar për ambasadore të Republikës së Kosovës në Itali. /albinfo.ch & rtk/