Kremtimi i Ditës së Pavarësisë së Kosovës në Bernë të Zvicrës

Programi kulturor filloi me himnin shtetëror të Kosovës.

Ministria e Punëve të Jashtme dhe e Diasporës, në bashkëpunim me shoqatën kulturore artistike “Bashkimi”, ka shënuar pavarësinë e Kosovës në Bernë të Zvicrës.

Drejtoresha e Qendrave Kulturore nga Ministria e Punëve të Jashtme dhe e Diasporës, Shyhrete Kastrati, ua uroi të pranishmëve 12-vjetorin e Pavarësisë.

Znj.Kastrati foli edhe për organizimin e aktiviteteve për Ditën e Pavarësisë së Kosovës që po zhvillohen në qytete të tjera të Zvicrës, por edhe në Evropë.

Ndërkaq, kryetari i shoqatës kulturore artistike “Bashkimi”, Ajet Cërvadiku, në fjalën e tij, pos të tjerash, përgëzoi Ministrinë e Punëve të Jashtme dhe të Diasporës për bashkorganizimin e aktivitetit për nder të Pavarësisë së Republikës së Kosovës.

Programi vazhdoi me fëmijët e mësimit plotësues të gjuhën shqipe, që veprojnë në kuadër të shoqatës “Bashkimi”, të cilët recituan poezi për pavarësinë. Më pas, grupi i shoqatës u paraqit me këngë e valle shqipe.

Këngëtarja Linda Hakaj me zërin e saj këndoi këngë të bukura shqipe.

Të pranishëm në këtë aktivitet kulturor ishin edhe nga Ambasada e Republikës së Kosovës dhe nga Ambasada e Shqipërisë.

---