CH-Ballkani
Kosovë: 228 kilogramë mbeturina për kokë banori brenda vitit
Derisa bota është duke ndërmarrë hapa urgjentë që të ndalë ndotjen nga plastika, që po shkakton dëme marramendëse në ambient, Kosova ende përballet me menaxhimin e mbeturinave.
Llogaritet se rreth 300 milionë tonë plastikë prodhohet në botë çdo vit, e që një shishe plastike të shpërbëhet nga toka i duhen mbi 400 vjet.
Sipas raportit të fundit të Agjencisë së Statistikave të Kosovës për mbeturinat komunale, vlerësohet se për kokë banori, mesatarisht grumbullohen 228 kg mbeturina në vit, raporton KTV, përcjell albinfo.ch.
Nëse kjo shumëzohet me numrin e popullsisë, në Kosovë prodhohen rreth 409 mijë tonë mbeturina në vit, e shumë prej tyre nuk trajtohen fare.
Mbeturina të shumta në Kosovë shihen në çdo qosh, përfshirë ambiente që shfrytëzohen për pushim, siç është Liqeni i Badovcit.
Me shtimin e numrit të vizitorëve, rriten edhe mbeturinat në njërin ndër vendet më atraktive në rajonin e Prishtinës.
Liqeni i Badovcit frekuentohet edhe nga peshkatarët, të cilët janë të zhgënjyer që liqeni nuk po mirëmbahet.
Qytetarët fajësojnë njëri–tjetrin që nuk i largojnë mbeturinat dhe nuk po kujdesen për hapësirat publike.
Nga organizata “Green Art Center”, e cila ka katër vjet që punon me menaxhimin e mbeturinave në Kosovë, thonë se është e rëndësishme që qytetarët të vetëdijesohen edhe për riciklimin e mbeturinave, përcjell albinfo.ch.
Green Art Center ishte pjesë e aksioneve të pastrimit vitin e kaluar në bashkëpunim me Lets Do it Kosova dhe Ministrinë e Mjedisit.
Fushata kishte zgjatur tre muaj dhe ishin larguar 803 deponi ilegale e shumë mbeturina në hapësira publike në gjithë Kosovën, por kjo nuk e kishte zgjidhur problemin që nga Qeveria u nis si ide për ta pastruar Kosovën.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj