Kosovë: Parashikohet rënie ekonomike prej 7.2 për qind më 2020

Zëvendësguvernatori i Bankës Qendrore të Kosovës (BQK), Sokoll Havolli, ka thënë se projeksionet janë që të ketë rënie ekonomike në Kosovë këtë vit prej 7.2 për qind, shkaku i pandemisë COVID-19.

Mirëpo Havolli ka thënë se këto projeksione të BQK-së mund edhe të ndryshojnë. Havolli ka folur në Komisionin për Buxhet dhe Financa dhe ka thënë se recesioni ekonomik mund të jetë në formën e “V”, shkruajnë mediat kosovare, përcjell albinfo.ch.