Kosovari, me lëndime të lehta nga ndeshja frontale e veturave

Makinat e ndeshura kanë pësuar dëmtim total. Për pastrimin e rrugës nga mbetjet e aksidentit është bllokuar rruga për rreth 2 orë e gjysmë

ilustrim

Në natën e të premtes ka ndodhur një ndeshje frontale në mes të tri veturave në rrugën në mes të Oftringenit dhe Walterswilit, kantoni Solothurn. Fati ka dashur që nga kjo ndeshje e fortë të dalin vetëm me lëndime të lehta tre persona, shkruan aargaueruzeitung.ch. Në të vërtetë, njërin prej tyre, shoferin, i cili ishte ngujuar në makinë është dashur ta nxirrnin zjarrfikësit duke e prerë veturën, transmeton albinfo.ch.

Sipas policisë së Kantonit të Solothurnit, një kosovar 63 vjeçar ishte duke vozitur në drejtim të Oftringenit. Për arsye ende të panjohura ai ka dalë në drejtimin e kundërt të rruges me ç`rast është ndeshur me një veturë që vinte në mënyrë të rregullt nga ana tjetër. Nga forca e goditjes, kosovari ka mbetur i ngujuar në makinën e tij dhe është dashur ndërhyrja e zjarrfikësve për ta çliruar. Ai dhe gruaja që ndodhej me të në veturë kane pësuar lëndime të lehta dhe të mesme, përcjell albinfo.ch. Të dy ata janë transportuar me autoambulancë në spital për trajtim të mëtejshëm.

Nga ana tjetër, makinat e ndeshura kanë pësuar dëmtim total. Për pastrimin e rrugës nga mbetjet e aksidentit është bllokuar rruga për rreth 2 orë e gjysmë.