Kosova sot nënshkruan marrëveshjen me Europol-in

Është bërë e ditur se Ministria e Punëve të Brendshme e Kosovës dhe EUROPOL-i do të nënshkruajnë marrëveshje bashkëpunimi, njofton Insajderi.

Thuhet se marrëveshja do të nënshkruhet nga ministri i Punëve të Brendshme, Agim Veliu.

Ceremonia e nënshkrimit do të mbahet sot, e hënë, duke filluar nga ora 10:00, në ambientet e objektit kryesor të MPB-së.

Në ceremoni do të marrin pjesë edhe kryeministri i Kosovës, Avdullah Hoti, Nataliya Apostolova, Shefe e Zyrës së BE-së/Përfaqësuese e Posaçme e BE-së në Kosovë, Rashit Qalaj, drejtor i përgjithshëm i Policisë së Kosovës, si dhe të ftuar të tjerë nga institucione vendore e ndërkombëtare. /Albinfo.ch