Kosova rikthehet në Davos në Zvicër me “House of Kosova” 2026

Qeveria e Republikës së Kosovës ka filluar përgatitjen shtëpinë zyrtare “House of Kosova” në Davos, e cila, njësoj si vitin e kaluar, do të shërbejë si hapësirë ku vizitorët do të kenë mundësi ta përjetojnë vendin tonë në të gjitha dimensionet e tij: njerëzit, potencialin ekonomik, artin dhe trashëgiminë kulturore, si dhe gastronominë e pasur, shkruan albinfo.ch.

Gjatë datave 21–23 janar 2026, House of Kosova do të jetë mikpritëse e paneleve dhe diskutimeve të tipit fireside chat mbi tema kyçe si energjia, inteligjenca artificiale, digjitalizimi, gjeopolitika dhe ndikimi i tyre ekonomik, së bashku me mundësitë që këto fusha ofrojnë për Kosovën dhe rajonin.

Në mbrëmje, kjo hapësirë do të shndërrohet në një vendtakim dinamik me muzikë tradicionale e bashkëkohore, performanca artistike dhe prezantime kulturore, gjithmonë të shoqëruara me ushqim dhe pije të përzgjedhura.

Bizneset kosovare do të kenë një prezencë të fuqishme, duke dëshmuar pse Kosova po shfaqet si një nga pikat më të gjalla të rajonit për investime, inovacion dhe bashkëpunim falë potencialit të lartë të nearshoring-ut, talentit të kualifikuar inxhinierik dhe një mjedisi tejet konkurrues.

Shtëpia e Kosovës mund ta gjeni ne adresën Grüenistrasse 18 në Davos.

Shtëpia e Kosovës vitin e kaluar: