Kosova pret që Ukraina të marrë “vendime të guximshme” për raportet mes vendeve

Vjosa Osmani, Presidente e Kosoves

Presidentja e Kosovës, Vjosa Osmani, ka thënë se Kosova pret nga Ukraina të marrë “vendime të guximshme” për të themeluar raporte ndërshtetërore, pasi Kosova është partnere e natyrshme e Ukrainës.

Në një organizim të ambasadave të huaja në vend për shënimin e 32-vjetorit të pavarësisë së Ukrainës, është përshëndetur përkrahja që Kosova i ka dhënë Ukrainës.

“Përkrahja jonë është parimore dhe orientohet nga vlerat e rrënjosura thellë në themelet e shtetit tonë tonë sovran. Presim që Ukraina do të kthejë mbështetjen kah Kosova si shtet i pavarur dhe sovran dhe një aleate e natyrshme në këtë rajon. Lufta i ka afruar popujt tanë dhe tani është koha për vendime me kurajë për të themeluar edhe raportet tona”, ka thënë Osmani.

Ukraina vazhdon të mos e njohë Kosovën si shtet, përcjell albinfo.ch.