Kosova në Panairin e Turizmit në Turqi

Vizitorët e ndryshëm do të kenë mundësinë që të shohin ofertat turistike të Kosovës dhe të njihen me bukuritë e shumta që ka Kosova

Kosova është pjesëmarrëse e Panairit Ndërkombëtar të Turizmit “EMITT”, që po mbahet në Stamboll të Turqisë. Ky Panair do të jetë i hapur deri më 29 janar, raporton albinfo.ch.

Ky Panair është mjaft i vlerësuar ndërkombëtarisht dhe njihet si ndër pesë panairet më të mëdha në botë sa i përket numrit të vizitorëve në fushën e turizmit.

Mësohet se në këtë Panair po marrin pjesë më shumë se 500 kompani nga 80 shtete.

Vizitorët e ndryshëm do të kenë mundësinë që të shohin ofertat turistike të Kosovës dhe të njihen me bukuritë e shumta që ka Kosova.

Organizimi i pjesëmarrjes nga Kosova udhëhiqet ga Shoqata e Turizmit Alternativ të Kosovës.