Kosova e Zvicra mbrojnë investimet

Kosova dhe Zvicra kanë nënshkruar një marrëveshje bilaterale për mbrojtjen e investimeve nga të dyja vendet

Zëvendësministrja dhe ministrja e Tregtisë dhe Industrisë, Mimoza Kusari–Lila dhe ambasadorja e Zvicrës, Krystyna Marty Lang kanë nënshkruar një marrëveshje bilaterale për mbrojtjen e investimeve nga të dyja vendet, sigurimin si dhe mbrojtjen e çdo investitori nga Zvicra në Kosovë njëkohësisht edhe trajtimin e barabartë të tyre.

Ministrja Mimoza Kusari–Lila,ka deklaruar se nënshkrimi i kësaj marrëveshje hap dyert për një bashkëpunim intensiv në mes të ekonomive në mes të dyja vendeve.

Gjatë konferencës për shtyp, të mbajtur pas nënshkrimit, ministrja Kusari- Lila tha se Zvicra është një shembull i mirë për të mësuar më tepër për turizmin malor, sektorin bankar dhe bujqësinë.

Kurse ambasadorja e Zvicrës, ka thënë se marrëveshjet si kjo nënshkruhet me te gjitha vendet pasi që Zvicra investon brenda por edhe jashtë saj dhe këto investime sipas saj duhet të mbrohen.

Zvicra është e njohur si një nga qendrat më të mëdha të diasporës shqiptare dhe nënshkrimin i Marrëveshjes për Promovim dhe Mbrojte të Investimeve me këtë shtet ka rëndësi të veçantë, sepse do të lejohet transferimi i lirë i mjeteve brenda dhe jashtë Kosovës dhe në mes tjerash do të ketë lehtësira në lidhje me kapitalin fillestar, fitimet dhe fondet për pagesën e kredive.Zvicra paraqet një partner të rëndësishme për Kosovën, jo vetëm për shkak të diasporës shqiptare, por edhe për shkak se 6 për qind të eksporteve kosovare në 2010 shkuan në këtë shtet përderisa këtë vit kemi shënuar rritje.