Kosova, e “lënduar” përballë Çekisë dhe Anglisë

Katër futbollistë të ekipit të parë do të mungojnë në dy ndeshjet e mëdha për Kosovën.

Kosova ka një vit e më shumë që nuk ka pësuar humbje. Por, në muajin shtator do të ketë dy sfida të mëdha, shkruan albinfo.ch.

“Dardanët” do të përballen në shtëpi me Çekinë më 7 shtator dhe tre ditë më pas, me Anglinë në udhëtim.

Sikur të mos mungonin këto përballje të vështira, Kosova po përballet me disa mungesa. I fundit është Herolind Shala, i cili ka thyer dorën, kurse do të mungojë edhe lojtari më në formë në ndeshjet e fundit, Milot Rashica, gjithashtu për shkak të lëndimit.

Këtyre dy mungesave, i shtohen edhe lëndimet e Arbër Zenelit dhe Hekuran Kryeziut, të cilët do të mungojnë për një periudhë më të gjatë.
Por, pas disa ndeshjeve do të kthehet të luajë për Kosovën, Valon Berisha, që kishte probleme me lëndime.

Sidoqoftë, Kosova ka pasur rezultate të mira edhe me mungesa, derisa vazhdon ëndrra e kualifikimit në Evropian.

---