Kontestohet numri i dëbimeve të të huajve që kanë kryer delikte

Një numër prokurorësh të Bernës dhe tëSt. Gallenit kanë publikuar shifrat e të dëbuarve nga kantonet e tyre. Ata pretendojnë se në të ardhmen do të ketë më shumë dëbime

ilustrim

Gjatë fushatës për iniciativën e zbatimit të dëbimit kishte qarkulluar një shifër prej 4000 dëbimesh në vit që i bën Zvicra kriminelëve të huaj. Kjo shifër vinte nga Zyra Federale për Statistikë. Ndërsa, në rast se do të votohej pro iniciativës, numri i të dëbuarve në vit do të ishte 10.000 sish.

Por, një numër prokurorësh të Bernës dhe tëSt. Gallenit kanë publikuar shifrat e të dëbuarve nga kantonet e tyre. Ata pretendojnë se në të ardhmen do të ketë më shumë dëbime. Kështu, në kantonin St. Gallen janë të kërcënuar nga riatdhesimi rreth 300 kryes të huaj deliktesh, gjegjësisht të dënuar, thotë për tagesanzeiger prokurori Thomas Hansjakob. Ai konsideron se gjykatat në rastin më të mirë mund t`i kategorizojnë në «rastet e rënda» rreth 20 për qind të këtyre.

Po ashtu edhe një 20 përqindësh tjetër do të bjerë nga kombinimi për dëbim për shkaqe burokratike, si për shembull mospranimi nga vendet e tyre të prejardhjes. Kështu, duhet të prtet fundi i vitit 2018 deri sa do të detyrohet të lëshojë Zvicrën personi i parë kundër dëshirës së tij.

«Në bazë të përllogaritjeve tona, në krahasim me gjendjen aktuale në Kantonin e Bernës do të shtohen edhe rreth 600 raste të dënimeve që kanë si rezultat dëbimin», thotë Rolf Grädel, Prokuror i përgjithshëm në Kantonin e Bernës dhe kryetar i konferencës zvicerane të prokurorëve.

Ndërsa avokati i njohur nga Cyrihu Marc Spescha i cili në praktikën e tij ka të bëjë rregullisht me dëbimet. Ai vlerëson se nga rreth 500 deri 800 dëbimet e delikuentëve të huaj në vit që bëhen sot, kjo shifër maksimalisht mund të dyfishohet dhe atëherë shifra më e lartë do të ishte 1600 sish.

Nga këndvështrimi i tij është «praktikisht e përjashtuar» që qytetarët e BE-së ose secondot me dënime nën një vit burg apo edhe me dënime me kusht, të dëbohen nga vendi. Këtë e pengon në radhë të parë marrëveshja për lëvizjen e lirë me BE-në. Për këtë arsye, qytetarët e BE-së, edhe në të ardhmen mund të dëbohen vetëm në raste të jashtëzakonshme.

Nga ana tjetër, një zëdhënës i Zyrës së Statistikave thotë se shifra prej 3863 personave e përmendur ka të bëjë me numrin e kryesve të huaj të veprave penale të cilët me ligjin e ri për dëbim i plotësojnë kushtet për dëbim.