Konstatohet arsyeja e vdekjes së djaloshit tetëmbëdhjetëvjeçar shqiptar

Në muajin shtator, një djalosh i ri shqiptar ishte gjetur i vdekur në një vendparkim në Bassersdorf të Zvicrës. Tani gjithçka është e qartë: Ai ka ndërruar jetë nga shkaqe natyrore, shkruajnë mediat zvicerane, përcjell Albinfo.ch.

Djaloshi i ndjerë, i cili në muajin shtator u gjet i vdekur në një vendparkim në Bassersdorf, ka ndërruar jetë si pasojë e vdekjes natyrore. Me këtë, përjashtohet mundësia e ndikimit nga një person tjetër.

Djaloshi 18-vjeçar shqiptar, ka ndërruar jetë nga një sëmundje që tek ai kishte ekzistuar, informon më tej Albinfo.ch.

Vdekja e tij pra nuk ka të bëjë aspak edhe me aksidentin e trafikut në të cilin ai me sa duket ishte përfshirë kohë më parë, ka njoftuar të premten Policia Kantonale e Cyrihut, përcjell Albinfo.ch.

Djaloshi ri ishte gjetur i shtrirë përtokë, i vdekur, pranë një veture të parkuar, e cila ka pasur gërvishtje nga një përplasje e freskët.

---