Koncert Festiv me rastin e 100 Vjetorit të Pavarësisë së Shqipërisë

Me rastin e 100 vjetorit të shpalljes së Pavarësisë dhe ngritjes së Flamurit tonë Kombëtar, nga plaku i Vlorës Ismail Qemali me patriotët nga gjithë trevat Shqiptare i uroj gjithë kombit Shqiptar të jetojnë ne paqë dhe liri së bashku, në një Shqipëri pa kufij dhe të integrohen sa më shpejtë në Europën e Bashkuar, pasi kemi qenë dhe jemi banorë të përjetshëm të saj.

Të nderuar mërgimtar, prindër, të dashur nxënës nga të gjitha trojet shqiptare , intelektual e artdashës, e të gjithë juve që po ju shkruajmë.

Shoqata Kulturore Shqiptare “BASHKIMI“, si dhe Shkolla Shqipe “Naim Frashëri”, në bashkëpunim me një grup atristësh shqiptarë, do të organizojë një

Koncert Festiv me rastin e 100 Vjetorit të Pavarësisë së Shqipërisë, më 01 Dhjetor, Ditën e Shtunë, më 17.45 deri më 24.00, në adresën: Kultur Zentrum Tell, Bernstrasse Nr. 101, 3072 Ostermundigen.

Do të marrin pjesë Shoqëria Kulturore Artistike „Bashkimi“, nga Ostermundigeni, me këngë folklorike dhe valle popullore shqiptare,

Shkolla Shqipe e mësimit plotësues, me poezi të zgjedhura, këngë e pjesë teatrale.

Këngëtari i mirënjohur Nimon Mushkolaj, pianisti Fitim Latifi dhe klarinetisti Fadil Kryeziu.

Programin do ta udhëheq Arta Rrika , e cila poashtu do të këndojë këngë të zgjedhura të melosit shqiptar.

Të festojmë të gjithë së bashku dhe të përçojmë tek brezi i ri vlerat tona të gjuhës, muzikës dhe artit. Të shprehemi me një thënie të vjetër:

Atë që nuk arrin ta bëjë politika, le ta bëjë muzika dhe ne të bashkohemi për të festuar dhe gëzuar, këtë 100 Vjetor, Shqiptar.

GËZUAR PËR JETË E MOT ! SHKSH “BASHKIMI”