Kompania farmaceutike zvicerane konfirmon donacionin për AfD

Mbi 130,000 euro janë dhuruar nga Zvicra për AfD . Tani është e qartë se nga kanë ardhur këto të holla

“Ne ofrojmë vetëm produkte që janë kryesisht pa efekte anësore”, thuhet në faqen në internet të PWS International AG. Me këtë kompania nënkupton shtojcat dietike, produktet e kujdesit dhe mallrat mjekësore. Nga vjeshta e kaluar, efekte anësore kanë 18 pagesa bankare të kompanisë nga Kantoni i Cyrihut.

Gjithsej, më shumë se 130,000 euro kanë rrjedhur nga llogaria e kompanisë, në zyrën e partisë gjermane AfD në Bodensee. Shënim: “Donacioni i fushatës Alice Weidel”, kështu që paratë ishin të destinuara për bashkëkryetarin aktual të AfD-së. Kjo është bërë publike nga një shoqatë kërkimore gjermane.

Tani, Balz Jegge, anëtare e bordit të PWS International, i pranon Televizionit SRF se paratë janë transferuar, nga llogaria e saj në AfD, informon Albinfo.ch.

Por, ka qenë vetëm një shërbim miqësor. “Sipas mendimit tim, paratë u transferuan emër të një miku të biznesit nga një bankë europiane në kompaninë tonë, me urdhër për përcjelljen e duhur”. Jegge nuk komneton më shumë.

Në Gjermani, donacionet partiake nga vendet jashtë BE-së nuk mund të pranohen. Paratë u kthyen në prill të vitit 2018, por vetëm pas zgjedhjeve parlamentare gjermane në shtator të vitit 2017, më shumë se gjysmë viti pasi u transferuan. AfD mohon përdorimin e parave në vitin zgjedhor 2017 për qëllime të fushatës zgjedhore, transmeton më tej Albinfo.ch.

Dhurata të tilla nuk janë gjë e vogël, thotë politikani gjerman, Ulrich Müller për SRF. “Nëse administrata e Bundestagut arrin në përfundimin se kjo ishte një dhuratë e paligjshme jashtë vendit, mund të vijë deri te një gjobë që është tre herë më e lartë se donacioni origjinal. Kjo do të kapte shumën prej gati 400,000 frangash, njofton Albinfo.ch. “Administrata e Bundestagut, nga AfD tani kërkon pronocim.

Ndërkohë, Alice Weidel, dhuruese e donacionit, tashmë po ballafaqohet me pretendime për dorëheqje. Politikania e AfD-së refuzon. Në llogarinë, e cila pranoi donacionin, bëhet fjalë për llogari të rregullt të shoqatës së qarkut Bodensee. “Donacioni nuk ka shkuar te personi im”, thotë Weidel. Përveç kësaj, ajo nuk e njeh dërguesin e donacionit.

Sipas anëtares së bordit të drejtorëve të PWS International, Balz Jegge, paratë tani janë kthyer tek miqtë afaristë. “Pas rimbursimit, ne i transferuam ato tek dërguesi”, thotë Jegge.

---