Klopp: Shaqiri nuk do të luajë për këtë arsye!

Në deklaratën e fundit, trajneri i Liveproolit, Jurgen Klopp, është shprehur se Xherdan Shaqiri nuk do të jetë i gatshëm as për ndeshjen kundër Tottenhamit.

Në një konferencën për media të mbajtur të premten para ndeshjes ndaj Tottenhamit që zhvillohet të dielën, Klopp ka thënë se Shaqirit i duhet edhe pak kohë për t’u kthyer.

“E takova Shaqirin këtë mëngjes dhe bisedova me të. Do t’i duhet edhe pak kohë. Muskujt e mëdhenj, për fat të keq, duhet pak më shumë kohë për t’u shëruar”, tha Klopp.

Kujtojmë se Shaqiri për shkak të problemeve me muskuj, i mungoi Liverpoolit në tri ndeshjet e fundit në Premier League. Ai ka luajtur vetëm 11 minuta në dy paraqitje në elitën e futbollit anglez.