Klinika Infektive: 5 raste në përkujdesje intensive, 2 të shëruar

Në Klinikën Infektive të Qendrës Klinike Universitare të Kosovës (QKUK), sot, më 05.05.2020, janë hospitalizuar gjithsej 33 raste me Covid-19 pozitivë, ndërsa sot lirohen 2 pacientë të shëruar nga infeksioni me Covid -19.

Gjendja e pacientëve të sëmurë me Covid -19 është si vijon:

Nga 33 pacientë me Covid-19, 26 raste janë në gjendje stabile, 5 raste janë në trajtim me oksigjenoterapi dhe përkujdesje intensive.

Në mjekimin intensiv të klinikës janë duke u trajtuar dy pacientë në gjendje të rëndë dhe përkujdesje intensive. Që të dy pacientët kanë sëmundje kronike të veshkëve dhe janë në dializë.

Në klinikë janë gjithsej 5 pacientë Covid- 19 pozitivë, të cilët janë në dializë, e cila është duke u realizuar në repartin e klinikës.

Dr. Sadije Namani,
specialiste-infektologe, Klinika Infektive, QKUK