KKSH mbështet Sami Gashin për Parlamentin e Gjenevës

Kryesia e KKSH të Gjenevës në mbledhjen e saj ka marrë qëndrim që të përkrahë kandidatin për Parlamentin e Kantonit të Gjenevës nga radhët e PDC-së

Më 6 tetor 2013 mbahen zgjedhjet për Parlamentin e Kantonit të Gjenevës (Grand Conseil du Canton de Genève), sikurse edhe për Qeverinë e Kantonit të Gjenevës (Le Conseil d’Etat).　

Kryesia e Komunitetit Shqiptar të Gjenevës në mbledhjen e saj të fundit ka marrë qëndrim që të përkrahë kandidatin për Kuvendin e Kantonit të Gjenevës nga radhët e partisë PDC, njëkohësisht edhe anëtarin e komunitetit, Sami Gashi. Ky qëndrim është në pajtim me nenin 5, paragrafi 2, të Statutit të Komunitetit Shqiptar të Gjenevës”, thuhet në një komunikatë të dërguar nga KKSH i Gjenevës

Në vazhdim të komunikatë shpjegohet mënyra e votimit gjegjësisht jepen udhëzimet për ata që nuk kanë pasur rastin të votojnë më parë.　　 　

Ndërkaq, sa u përket zgjedhjeve për Qeverinë e Kantonit të Gjenevës, Komuniteti Shqiptar i Gjenevës nuk është pozicionuar.

Shqiptarët janë një komunitet i rëndësishëm në kantonin e Gjenevës. Janë me qindra ndërmarrje me pronarë shqiptarë. Aty ku ne mungojmë, janë institucionet shtetërore dhe politike. Integrimi ynë nuk do jetë asnjëherë i plotë, përderisa nuk marrim pjesë aktive edhe në jetën shoqërore dhe politike, thuhet veç tjerash në komunikatën e Komunitetit Shqiptar të Gjenevës, në lidhje me zgjedhjet komunale që mbahen më 6 tetor 2013.