Kjo është gjendja në vendkalimet kufitare

Mërgimtarët, të cilët kanë përfunduar pushimet në Kosovë, janë duke u kthyer në shtetet evropiane, ku jetojnë dhe veprojnë.

Referuar të dhënave të fundit të Qendrës Kombëtare për Menaxhimin Kufitar (të përditësuara në ora 08:21), gjendja në vendkalimet kufitare paraqitet e qetë, me përjashtim të pikës kufitare Merdar, ku tashmë në dalje të kësaj pike janë krijuar kolonat e gjata deri në 700 metra dhe bashkatdhetarët duhet të presin deri dy orë për të dalë nga territori i Kosovës.

Kolona deri në 100 metra janë krijuar edhe në Jarinje, qytetarët duhet të presin deri në 30 minuta për dalje nga Kosova.

Pikat e tjera kufitare janë të lira për qarkullim, ku hyrja dhe dalja mund të bëhet nga 3 deri në 10 minuta.