Hyn për të vjedhur, policia e gjen shqiptarin në dollap!

Ngjarje në Tirolin Jugor, Itali ka  ndodhur pakashumë “si në filma”. Një qytetar kishte vërejtur rreth orës 11 paradite  dy të rinj me sjellje të dyshimta. Ai ka njoftuar menjëhere karabinierët. Sapo ata vijnë në vendin e dyshuar, gjejne njërin ndër shqiptarët duke pritur para një banese. Ai e njofton kolegun e tij që kishte hyrë ne banesë për të vjedhur dhe pastaj vetë ikë në pyllin e afërm.

Dy karabinierët ndajnë punën e tyre: njëri vihet në ndjekje të te ikurit dhe tjetri hyn në banesën që ishte bërë cak i plaçkitjes. Shqiptari që kishte hyrë për të vjedhur nuk dukej në banesë por kur karabinieri hap një dollap aty e gjen të fshehur personin në fjalë, shkruan unsertirol24.com.

Personi i dytë po ashtu është kapur jo larg nga vendi i ngjarjes.

Të dytë janë arrestuar dhe po mbahen ne burg për veprën penale, plaçkitje te banesës.