Kina, India dhe Koreja e Veriut rrisin numrin e armëve atomike

@unsplash

Gjatë vitit 2023, nëntë fuqitë bërthamore të botës, që janë Shtetet e Bashkuara të Amerikës, Rusia, Mbretëria e Bashkuar, Franca, Kina, India, Pakistani, Koreja e Veriut dhe Izraeli kanë vazhduar investimet në modernizimin e arsenaleve të tyre nukleare.

Disa prej tyre, siç janë Kina, India dhe Koreja e Veriut, madje e kanë rritur numrin e armëve atomike gjatë kësaj periudhe.

Sipas të dhënave nga SIPRI, Instituti Ndërkombëtar për Kërkime të Paqes në Stokholm, Kina ka shënuar rritjen më të madhe në inventarin total nga 410 në 500, India nga 164 në 172 dhe Koreja e Veriut nga 30 në 50, transmeton albinfo.ch.

Ndryshe, Rusia dhe SHBA-ja zotërojnë 90 për qind të totalit të armëve bërthamore në botë.