Këto janë të hyrat dhe shpenzimet e partive politike në Kosovë

@pixabay

Komisioni Qendror i Zgjedhjeve ka publikuar sot raportet vjetore financiare të partive politike në Kosovë për vitin 2024.

Raporte të cilat sipas KQZ-së, janë audituar nga auditorë të cilët janë përzgjedhur nëpërmjet një konkursi të hapur publik nga Zyra për Regjistrim, Certifikim dhe Kontrollin Financiar të Subjekteve Politike (ZRCKFSP).

Bazuar në këtë raport, Lëvizja Vetëvendosje gjatë vitit 2024 ka pasur të hyra 2 milion e 337 mijë e 168 euro, ndërsa ka shpenzuar 1 milion e 805 mijë e 296 euro, transmeton albinfo.ch.

Për Partinë Demokratike të Kosovës në raport thuhet se të hyrat për vitin 2024 ishin 1 milion e 16 mijë e 978 euro, ndërsa, shpenzimet ishin 941 mijë e 266 euro.

Lidhja Demokratike e Kosovës thuhet se ka pasur të hyra në vlerë prej 643 mijë e 47 euro, derisa ka shpenzuar 594 mijë e 398 euro.

Aleanca për Ardhmërinë e Kosovës për vitin 2024 ka pasur të hyra në vlerë 314 mijë e 390 euro, derisa ka shpenzuar 50 mijë euro më shumë ose 365 mijë e 128 euro.