Kërcënohet pavarësia e Bankës Nacionale të Zvicrës

Sipas shefit të Sekretariatit për Çështjet Ekonomike (SECO), Aymo Brunetti, pavarësia e Bankës Nacionale të Zvicrës është kërcënuar

Trazirat e kohëve të fundit që kanë prekur bankën qendrore mund edhe ta dëmtojnë gradualisht atë.”Jam thellësisht i bindur se është vërtetë e rrezikshme nëse administrata apo qeveria japë publikisht udhëzime “, ka thëne  Brunetti në një intervistë për “SonntagsBlick”.

Të hënën, pas dorëheqjes së presidentit të Bankës Nacionale, Philipp Hildebrand, Brunetti ishte shprehur kundër ideve që synojnë forcimin e rregullave të bankës qendrore dhe mundësitë për ndikuar në të. 

Rishqyrtimi i pavarësisë së Bankës Nacionale të Zvicrës shton një “problem themelor”, tha Brunetti,  i cili duhet të largohet nga SECO në fund të muajit për një vend profesori në Universitetin e Bernës, emri i të cilit është po ashtu në mesin e personaliteteve të mundshëm për të zëvendësuar Hildebrand Philippe në Bordin Ekzekutiv të Bankës Nacionale të Zvicrës.

Duke iu referuar vlerësimit aktual të frangut, i cili është një problem për shumë kompani, Brunetti tha se shpreson se  frangu do të normalizohet, me kusht që situata ndërkombëtare të zbutet.

Lajmi i mirë është fakti që zona e euros nuk ka përjetuar ndonjë turbulencë javët e fundit, ka thënë ai.