Kërcënim me bombardim: Dy avionë ushtarakë të Zvicrës përcjellin atë izraelit

Sot në orën 8 e 30, në pjesën më të madhe të Zvicrës gjermane janë dëgjuar dy shpërthime të fuqishme që kanë shkaktuar shqetësim te qytetarët, shkruajnë mediat zvicerane.

Pas periudhës së paqartësisë, rreth një orë më vonë autoritetet kompetente (Sigurimi ajror, Skyguiude) kanë sqaruar se fjala ka qenë për kapjen gjegjësisht shoqërimin (përcjelljen) e një aeroplani civil izraelit të kompanisë El Al në kufirin verilindor të Zvicrës, afër Schaffhausen-it për shkak të kërcënimit me bombardim.

Aeroplani po fluturonte nga Nju Jorku drejt Tel Avivit.

Këtë aksion e kanë realizuar dy aeroplanë ushtarakë zviceranë F/A18, transmeton albinfo.ch. Me këtë veprim, misioni ka përfunduar.