Katër titullarë kosovarë që fituan kupat në liga të ndryshme të botës

Katër lojtarët kosovarë që fituan tituj në liga të ndryshme të botës

Disa nga lojtarët me origjinë nga Kosova që fituan tituj në vendet e ndryshme nga bota janë Milot Rashica, fitues i kupës së ligës në Turqi, Arbnor Muja, fitues i kupës së ligës së Belgjikës, Donat Rrudhani, fitues i ligës së Zvicrës dhe Amir Rrahmani, fitues i ligës së Italisë, shkruan albinfo.ch.

Kontributi i tyre ishte parësor në dhënjen e rezultateve.

Milot Rashica

Skuadra e Galatasarayt ka shënuar fitore 1 me 4 ndaj Ankaragucu në javën e 36-të të Superligës së Turqisë.

Me këtë fitore, ekipi i Galatasarayt arriti të shpallet kampion i Superligës së Turqisë për sezonin 2022/23.

Rashica ka luajtur rol shumë të rëndësishëm në këtë ekip. Ai u bë si futbollisti i parë kosovar që fiton një kompeticion të tillë zhvilloi 25 ndeshje me Galatasarayn në Superligë, shënoi katër gola dhe bëri gjashtë asiste.

Arbnor Muja

Arbnor Muja e ka fituar titullin e kampionit në Belgjikë me skuadrën e tij, Antwerp. Ai ka fituar trofeun e parë me skuadrën e Royeal Antwerp, duke triumfuar në finale të Kupës së Belgjikës.

Ky ishte trofeu i parë i Arbnorit, që prej se u transferua në verën e kaluar nga Drita për 400 mijë euro.

Kujtojmë që gjatë rrugëtimit për në trofeun e Kupës, Muja ka kontribuar me një gol dhe një asistim në pesë ndeshje.

Donat Rrudhani

Young Boys rifitoi titullin e ligës zvicerane, duke fituar një trofe të parë për trajnerin Raphaël Wicky.

Trofeu u kthye në Bernë një vit pasi Cyrihu i dha fund serisë së katër titujve radhazi të Young Boys.

Pjesë e rëndësishme të Young Boys këtë edicion kanë qenë edhe dy futbollistë shqiptarë: Donat Rrudhani që luan për Kosovën dhe Kastriot Imeri që luan për Zvicrën.

Rrudhani 24-vjeçar dhe Imeri si 22-vjeçar shihen si lojtarë me të ardhme të ndritur.

Amir Rrahmani

Skuadra e Napolit ka fituar titullin e kampionit të Serie A. Kontribut të rëndësishëm në këtë sukses të jashtëzakonshëm ka dhënë kapiteni i Kosovës, Amir Rrahmani.

Titulli i kampionit për Rrahmanin është kulmi i një karriere në ngritje të vazhdueshme. Ai nisi në klubet prishtinase karrierën e më pas luajti te Drenica. Vazhdoi në Shqipëri, Kroaci dhe shfaqi vlerat në Itali. Me titull të kampionit, Rrahmani do të jetë prej të mëdhenjve të Napolit. Natyrisht edhe të Kosovës. /Albinfo.ch

 

 

 

 

 

 

 

 

---