Kantoni miraton ankesën e familjes shqiptare që iu refuzua shtetësia zvicerane

Pas refuzimit, Hakiu ka bërë ankesën, e cila tashti është miratuar nga niveli kantonal

Në komunën Dintikon të kantonit Aargau, asambleja komunale (formë specifike zvicerane e vendimmarrjes ku vendosin të gjithë qytetarët me të drejtë vote) ka vendosur kundër natyralizimit të dy familjeve. Bëhet fjalë për  familjen  shqiptare Iseini dhe një tjetër, ruse, shkruan azonline.ch. Pasi që familjet në fjalë kanë ushtruar të drejtën e ankesës, ekzekutivi i kantonit u ka dhënë atyre të drejtë.

Sipas qeverisë, asambleja ka hedhur poshtë kërkesën e tyre për natyralizim, të përcjellë nga autoritetet komunale pa ndonjë arsyetim, transmeton albinfo.ch Kjo është arsyeja që qeveria e komunës e ka miratuar ankesën për shkaqe formale.

Kuvendi i Komunës para votimit të Asamblesë së zgjeruar komunale ka udhëzuar në mënyrë të qartë se refuzimi i kërkesave për natyralizim mund të bëhet vetëm me një arsyetim të qëndrueshëm. Sipas qeverisë kantonale vendimet mbi natyralizimin, sipas një deklarimi juridik të Gjykatës Federale nuk janë vendime të pastra politike.

Megjithatë, qeveria heq dorë nga mundësia që të vendosë e vetme lidhur me rastin, kështu që ajo e ka kthyer atë mbrapsht në komunën Dintikon.

Në këtë mënyrë, asambleja e komunës do të ketë rastin të vendosë edhe një herë për ose kundër natyralizimit të dy familjeve, përcjell albinfo.ch. Ajo, më 26 nëntor të vitit të kaluar i kishte hedhur poshtë 10 nga 11 kërkesa natyralizimi. Kërkesa e një familjeje ruse me katër fëmijë ishte hedhur poshtë me 46 vota kundër dhe 26 pro.

Njësoj ishte hedhur poshtë edhe kërkesa e familjes shqiptare Iseni nga Maqedonia. Të vetmen kërkesë që e kishin miratuar ishte ajo e një shtetasi gjerman.

Familja shqiptare nga Maqedonia e Haki Iseini është njëra nga dy familjet të cilave bashkësia e qytetarëve të komunës Dintikon (Aargau) ia refuzoi shtetësinë zvicerane. Vetë Hakiu ka ardhur në Zvicër në vitin 1992 si 12 vjeçar në kuadrin e bashkimit familjar. Po ashtu edhe bashkëshortja e tij është rritur në Zvicër, përcjell albinfo.ch. Ata i kanë dy vajza të vogla.

Hakiu drejton një punëtori automonbilash ndërsa e shoqja punon me orar të pjesshëm.

Pas refuzimit, Hakiu është treguar shumë i zhgënjyer dhe zemëruar. Në arsyetimin për refuzimin e kërkesës së tij për natyralizim ishte përmendur se gjoja ai nuk ka kohë të merret me integrimin e fëmijëve të tij, transmeton albinfo.ch. Për këtë arsye ai nuk kishte mundur të heshtte. Hiseini e pranon se punon shumë në firmën private: mbi 10 orë në ditë dhe gjashtë ditë në javë. Por kjo është diçka që pikërisht zviceranët do të duhej ta vlerësonin, puna me zell për të arritur sukses, thotë ai edhe për televizionin regjional Tele M1.

Ndërkaq, nga ana tjetër nuk ka asnjë arsyetim lidhur me atë që i ka shtyrë qytetarët për të bërë këtë refuzim.

Linku:

http://www.aargauerzeitung.ch/aargau/aarau/abgelehnte-einbuergerung-war-willkuerlich-regierungsrat-pfeift-dintiker-stimmbuerger-zurueck-130198050