Kantonet romane provojnë prangat elektronike me GPS

Gjashtë kantone të Zvicrës perëndimore bashkë me Tesinën të cilat planifikojnë që të bëjnë pasjsijen me pranga elektronike të këmbëve me GPS gjatë pesë viteve në vijim

Zvicra romane, gjegjësisht kantonet frankofone dhe Tesina, kantoni më jugor, italishtfolës kanë vendosur që të testojnë prangat elektronike me GPS.

Sekretari i konferencës së drejtorëve për çështje policore dhe juridike të Zvicrës latine, Jean-Luc Gassmann ka konfirmuar atë që më herët kishin publikuar gazetat frankofone se gjatë janarit do të shpallet tenderi për sigurimin e 250 prangave të tilla.

Janë gjithsej gjashtë kantone të Zvicrës perëndimore bashkë me Tesinën të cilat planifikojnë që të bëjnë pasjsijen me pranga elektronike të këmbëve me GPS gjatë pesë viteve në vijim. Me këtë hap ato synojnë që personat e akuzuar apo të paditur të mund t`i lokalizojnë gjatë kohës sa ata janë  në burgun për hetime ose edhe para se të burgosen.

Në këtë eksperiment, siç shkruan nzz.ch, kantoni Vaud do të jetë “kanton pilot”, ku do të provohet së pari ky hap. Më vonë, në një fazë të dytë, që të gjitha, shtatë kantonet latine të Zvicrës do të ngrenë një centralë të përbashkët përgjimi.