Kantonet e kritikuara kanë kuptuar mesazhin: Ato do të shtrëngojnë masat

Kërcënimi i ministrit Berset me sa duket ka arritur në kantone

Të premten, dje, Ministri i Shëndetësisë Alain Berset u ka drejtuar, në mënyrë  indirekte disa prej kantoneve gjermanishtofolëse një ultimatum. Nëse ato nuk marrin masa më të rrepta deri të martën, Këshilli Federal do të detyrohet të ndërhyjë vetë, shkruan srf.ch.

Kantonet si Solothurni, Thurgau dhe St. Galleni janë ende në mes të valës së dytë, me numrin e infeksioneve që po shënon rritet në disa raste. Kërcënimi me sa duket ka arritur në kantone, transmeton albinfo.ch.

Presidenti i Konferencës së Drejtorëve Kantonalë të Shëndetësisë (GDK), Lukas Engelberger, e ka konfirmuar këtë për SRF News. “Marrëveshjet janë tashmë në progres. Supozoj se do të shohim masa të reja javën e ardhshme”, është shprehur ai.

Të martën, më 9 dhjetor, Këshilli Federal planifikon të bëjë një vlerësim të ri, përcjell albinfo.ch. Me këtë rast ai do të shohë nëse kantonet si St. Galleni dhe kantonet tjera të përmendura më lartë po bëjnë mjaftueshëm në situatën e tashme kritike.

---