Lajme
Këshilltari i ri Federal i Zvicrës është Beat Jans
Beat Jans u zgjodh si këshilltar i ri federal me 134 nga 245 vota. Zgjedhja e tij në vend të Alain Berset kërkonte tri raunde votimi
Këshilltari i ri federal i Zvicrës quhet Beat Jans: 59-vjeçari sjell përvojë drejtuese si këshilltar qeveritar dhe, si banor i Bazelit, përfaqëson një rajon që nuk është përfaqësuar në qeverinë e shtetit për 50 vjet vjet, transmeton albinfo.ch. Që nga koha e tij në Këshillin Kombëtar (deputet federal), Jans është ende i lidhur mirë në Bernën Federale dhe mbahet mend si një politikan kompetent.
Për rivalin e tij, Jon Pult, zgjedhjet përfunduan me zhgënjim: 39-vjeçari konsiderohet një talent politik natyral dhe është shumë i njohur në grupin parlamentar të PS-së, raporton srf.ch. Megjithatë, shumë qytetarë ishin të shqetësuar nga e kaluara e tij në Juso, në Graubünden Dhe në seancat me palët e tjera ai ia doli më pak se Beat Jans.
Një aspekt i rëndësishëm i zgjedhjes së pasardhësit të Alain Berset janë votat e shumta për Daniel Jositsch, kandidati i preferuar i qytetarëve, por jo dhe i partisë së tij, PS-së. Shumë deputetë të klasës së mesme nuk iu përmbajtën udhëzimeve të liderëve të partisë së tyre dhe votuan për kandidatin Jositsch, edhe pse deputeti i Dhomës së Kantoneve, nga Cyrihu, nuk ishte kandidati zyrtar i PS-së.
Gjatë seancës së sotme të përbashkët parlamentare (ku bëhen bashkë të dy dhomat) zgjedhjes i nënstrohen edhe të gjithë këshilltarët aktualë federalë (ministrat). Zakonisht kjo procedurë shërben më shumë për “testimin” e imazhit që gëzojnë ministrat në detyrë se sa që bëhet një rizgjedhje reale. Ka ndodhur tepër rrallë që ndonjëri nga ministrat të mos e kalojë këtë testim.
Kështu, në përfundim rezultoi se janë rizgjedhur që të gjashtë ministrat (i shtati, vjen nga sot dhe quhet Beat Jans): Guy Parmelin (FDP), Ignazio Cassis (FDP), Viola Amherd (Mitte, Qendra), Karin Keller-Sutter (FDP) Albert Rösti (SVP) dhe Elisabeth Baume-Schneider (SP).
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë