Kandidatja për Parlamentin e Zvicrës, merr mbështetjen e vendlindjes

Kryetari i Gjilanit, Lutfi Haziri u shpreh i lumtur që një gjilanase lufton për parlamentin helvetik. Ai i dha mbështetje Herolinda Avdili –Rexhepi në garën për deputet

Kandidatja për deputete në Parlamentin e Zvicrës në radhët e Partisë Popullore Demokristiane (CVP), Herolinda Avdili –Rexhepi, ka vizituar komunën e Gjilanit, ndërsa është pritur nga kryetari Lutfi Haziri. Ky i fundit u shpreh i lumtur që një gjilanase lufton për parlamentin helvetik.

Haziri e ka përgëzuar për guximin dhe vendosmërinë Avdili-Rexhepin të bëjë karrierë politike në shtetin zviceran, duke theksuar se ajo na bënë krenare me suksesin e saj dhe do të jetë një zë i fuqishëm i shqiptarëve në parlamentin zviceran.

Nga ana e saj, Herolinda Avdili –Rexhepi e ka falënderuar kryetarin Haziri për mikpritjen dhe përkrahjen e dhënë për të.

Përndryshe, Herolinda Avdili –Rexhepi tha se ka bashkëpunim me të gjitha partitë politike shqiptare ne Zvicër, për të shtuar se është propozuar për kandidate për deputete nga ana e Degës së Lidhjes Demokratike në Zvicër, derisa është dominuar nga Partia Popullore Demokristiane (CVP).