Kamenica premton verë përplot emocione me “Kamenica Summer Fest”

Komuna e Kamenicës njofton se për herë të parë këtë vit ka organizuar ngjarjen kulturore “Kamenica Summer Fest”.

Kjo ngjarje, e cila do të fillonte nga data 09 korrik, sipas njoftimit, do ta gjallërojë verën edhe më shumë në Kamenicë, me aktivitete nga më të ndryshmet, transmeton albinfo.ch.

“Për ju adhurues të librit, artit, fotografisë, filmit, komedisë, muzikës, hiking-ut, lojrave të ndryshme, këtë verë mund t’i krijoni momentet tuaja më të bukura duke marrë pjesë në “Kamenica Summer Fest”.

Përjetoni adrenalinë, krijoni miqësi, e mbi të gjitha vizitoni një vend, ku bashkëjetesa ndërmjet tri komuniteteve është shembull për vendet e tjera”, thuhet në njoftim.