Kadetët e FSK-së e përfaqësojnë me sukses Kosovën në SHBA

Gara e Akademive Ndërkombëtare është garë vjetore dhe marrin pjesë kadetët nga akademi të ndryshme ushtarake nga e gjithë bota.

Kadetët e FSK-së pranë Akademisë Ushtarake Amerikane West Point, me sukses të lartë përfaqësuan në Garën Vjetore të Akademive Ndërkombëtare në SHBA.

Pjesëmarrës në këtë garë, këtë vit, ishin edhe kadetët nga Kosova, Vesa Ibrahimi dhe Andrin Vuthaj, që janë kadetë të Akademisë Ushtarake West Point në Shtetet e Bashkuara të Amerikës.

“Në këtë garë ekipet e akademive testohen në shkathtësi të ndryshme ushtarake, si: qëndrueshmëria fizike, navigim, gjuajtje me armë të gjata dhe pistoletë, marshim, si dhe shkathtësi të tjera ushtarake”, shkruan ministri Armend Mehaj, transmeton Albinfo.ch.

---