Jep dorëheqje Toni Brunner

Si arsye për këtë vendim ai ka përmendur dëshirën për t`iu përkushtuar më shumë punës si deputet nacional dhe po ashtu si bujk që është profesioni primar i tij

Kryetari i SVP/Udc-së, Toni Brunner ka bërë të ditur sot se do të japë dorëheqje nga posti i kryetarit të cilin e mban nga viti 2008. Ai do të dorëhiqet në përfundim të mandatit të dytë si kryetar, që i përfundon më 23 prill 2016, njoftojnë mediet zvicerane duke iu referuar një shkrese të bërë nga SVP, të shtunën.

Brunner e ka shpallur qëndrimin e tij për dorëheqje në konferencën e kuadrove që kjo parti ka mbajtur sot. Si arsye për këtë vendim ai ka përmendur dëshirën për t`iu përkushtuar më shumë punës si deputet nacional dhe po ashtu si bujk që është profesioni primar i tij.

Udhëheqa e partisë ka propozuar deputetin nacional Albert Rösti për kryetar të ri të SVP-së. Po ashtu nje grup pune do të japë propozimin për përbërjen e re të kryesisë së partisë në mandatin e ardhshëm.