Jay-Z ndal koncertin për fansen që mposhti kancerin

Reperi ndaloi duke e lexuar shkrimin e Christina Cruzit në të cilin thuhej: “E kam mposhtur kancerin dy herë për të të parë! Të dua! ‘Selfie’ ose përqafim?”

Reperi amerikan Jay-Z ka ndërprerë një koncert të tij në Kaliforni të shtunën, për të nxjerrë në skenë një fanse të re e cila kishte mposhtur kancerin dy herë.

Reperi ndaloi duke e lexuar shkrimin e Christina Cruzit në të cilin thuhej: “E kam mposhtur kancerin dy herë për të të parë! Të dua! ‘Selfie’ ose përqafim?”.

“E ke mposhtur kancerin dy herë?” e pyeti këngëtari duke e përqafuar Christinan në skenë.

Më pas ai realizoi disa fotografi me të duke nxitur zhurmë dhe duartrokitje të mëdha nga adhuruesit në koncert.

Në fundjavë, Christina shfrytëzoi rrjetet sociale për të treguar se kjo ishte nata më e mirë e jetës së saj.

“Nuk mund ta besoj se më mori në skenë dhe e përqafova jo vetëm një herë, por dy herë”, kishte shkruar ajo në Instagram. “Ta takoja Jay-Z ishte ëndërr e bërë realitet. Më mirë as që kam mundur të imagjinoja”, ka thënë ajo për BBC-në, transmeton Albinfo.ch.

https://www.instagram.com/p/Bc0TWw3AeF_/