Janë shitur më shumë vetura të reja

Zviceranët po tregojnë sërish disponim për të blerë më shumë vetura të reja.

Në janar 20.205 automobila janë vënë për herë të parë në qarkullim në Zvicër dhe Lihtenshtajn. Bëhet fjalë për 1805 më shumë se një vit më parë, siç njofton “Auto-Schweiz”.

Për më tepër, ishin shumë të popullarizuara automjetet dizel dhe ato 4x4l. Në një pjesë të tregut prej 44.1 për qind pothuajse çdo i dyti automjet i ri ishte i modelit 4×4. Motorët dizelë kanë arritur një pjesë të tregut prej 42.2 për qind.