Ja si duken fanellat e Kombëtares Shqiptare në “Euro 2016”

Federata Shqiptare e Futbollit ka prezantuar gjatë ditës së sotme në Tiranë, fanellat e reja me  të cilat do të luajë Kombëtarja Shqiptare e Futbollit në “Euro 2016”.

Një fanellë me shqiponjë të dizajnuar në të. E tillë do të jetë fanella e re e Kombëtares së Shqipërisë me të cilën do të prezantohen djelmoshat shqiptarë në “Euro 2016”. Këto fanella janë të realizuara nga sponzori i ri teknik i përfaqësueses, “Macron”. Uniforma e re e kuqezinjve u prezantua sot në Tiranë.

Të trija fanellat janë në tri ngjyra, ajo tradicionale, kuqezi, e dyta që e bardhë dhe fanella e tretë është e zezë, por me nuanca më të theksuara të shqiponjës në pjesën e përparme.
Fanella është një ndërthurje mes traditave shqiptare me shqiponjën si simbol dhe modernes, pasi dizenjo e saj është e veçantë.

Në ceremoninë e prezantimit ishin të pranishëm edhe përfaqësues të firmës italiane, Kryetari i Federatës Shqiptare, Armando Duka,  trajneri i Kombëtares Shqiptare në futboll, Gianni De Biasi, etj.
Të lumtur me dizajnin e fanellave të reja dukët të janë edhe futbollistët e Kombëtares të cilët i kanë postuar dizajnin e fanellave të reja në rrjetet e tyre sociale.