Itali: Në Bergamo asnjë pacientë me Covid-19 pas 137 ditësh

Keystone

Në spitalin e Bergamos, pas plot 137 ditësh, nuk ka më asnjë pacientë të prekur nga koronavirusi.

Pas plotë 137 ditësh, në spitalin e Bergamos, qytetin më të prekur nga COVID-19 në Itali, nuk kam ë asnjë të prekur nga koronavirusi, përcjell albinfo.ch.

Kjo këtë fitore, stafi mjekësor i spitalit Papa Xhovani, e festuam me një minutë heshtje dhe më pas kanë shpërthyer duartrokitjet dhe brohorita gëzimi.

Rreth 400 punonjës të  repartit të terapisë intensive, (mjekë, infermierë, punonjës suporti dhe sanitarë), në ditët më kritike të pandemisë, kishte arritur të trajtonin deri në 100 pacientë të vendosur në ventilatorë.

Sipas të dhënave të përditshme, aktualisht pozitivë në të gjithë Italinë, janë 647 më pak krahasuar me të martën, ndërsa janë shtuar me 825 të shëruarit.

Nga 193 rastet e reja, e dhënë kjo pak më e lartë se e një dite më parë, 71 të infektuar janë regjistruar në Lombardi, 49 në Emilia Romania dhe të tjerët në Piemonte dhe Lacio.

Katër rajonet që nuk sjellin më asnjë rast të ri janë ato të Umbrias, Sardenjës, Valle D’aostës dhe Molizes.

24 orët e shkuara ndërkohë janë bërë më shumë se 50 mijë tamponë në të gjithë Italinë.